У мережі жартують: Що буде, якщо простий закарпатець стане Президентом / Частина 2

Як ранiше iнформувало видання 0312, у сомережi закарпатцi шуткували, що було б, якби простий закарпатець став Президентом. Як виявилось, це була перша частина.

Другу частину знову опублiкувала Марiка Данканич. Далi подаємо текст на мовi оригiналу.

....Пройшло почти рiк.

Мигаль Попович наладив дружнi стосункы почти з усiма державами (з другыми щи просто ни встиг). За сись час вiн уже тiлькых накликав у гостi поникати євроремонт державы, што уже мусить чинити велику гостину. Скликав на пiдготовку назад Кабмiн тай Раду, п‘ють кавиль, слухавуть рознарядку:

- Ану ни напийтеся, ни вчинiть ми ганьбу на цiлый свiт. Я мушу силовати, бо я так привык, но вто ни означає што треба всьо в ся лляти!

Кiм Чен Ынови вообще ни наливайте, бо тот и тверезый дурный - пужать усьых тыв бомбов, а кiдь уп‘є та кого знає што втне.

Порозсажуйте п‘ющых и нип’ющых у рiзнi бокы, вбы пак битки ни было, исе ся удносить и до рас, и до вiросповiдання. И вбысьте ся ни регонiли з цуря лiдерiв африканських держав, бо вто ни коректно .

Никайте вбы на столах усьо было, жоны вашi вбы пак усьым напаковали колачiв из собов на путь. Знаєте ош голубцi на столi, вто кониць гостiнi. Но ни дуже пак силуйте всьых на коня, бо людьом щи литiти. Вбы пак ни напутали самальоты ги адде. Многi ся повпставуть на нiч та не вбы сьте пак из ними по ночных клубах ходили, бо знаєте Осадчу-ота ачий ниґда ни спить, ко вто пак постирать из усьых сайтiв свiта? З музиков тоже треба быти осторожно. Два-три чардашi думаву доста буде, бо пак їх уже нико ни зопре. Айно и Вiнника придупридiть вбы бiльше трьох пiсинь ни спiвав, бо втi пак європейкы як ся заведуть, та роздеруть го туй. Доста много ся люди получає, айбо я ни годен янных кликати, а другых нєт, пак у янному свiтi жиєме. Вбысьме лиш исе перебыли. Файно всьым пак подякуйте, ош прийшли...

...Динь зустрiчi делегацiй.

Президент стрiчає гостiв:

- О, здоров, брате!..Йуй пiч бы вбаляти, такисьте давно в нас ни были!...Ого й вас видко!...Но пойте сiдайте за стiл! Порозсажовалися всi за столы, Мигаль Попович бере слово:

- Дякуву вам усьым што сь те прийшли, ни дялазуйте, пробуйте вшитко, чуствуйтеся ги дома. А вбы и дале ся всьо у нас вело заспiвайме на Многая и Благая лiт !.......

....И так наш закарпатськый Мигаль Попович добре ся справляє з усiма державными проблемами, потихы всьо ся налажує, ни зря вiн ушитко збрыскав сяченов водов уд нечисти. Народ го так полюбив за простоту и за справедливiсть, што перед Адмiнiстрацiйов Президента типир лем ся збирать мiтинг обы вчинити селфi з ним. У соцмережах усi го лайкавуть, каждiв новонародженiв дiтинi заочно в Хресный лист записувуть го батичком.

Бiзнес начав выходити из тiнi, бо державнi дотацiї такi стали выгоднi, ош ушитка бугалтерiя стала така бiла, ги бы ї Тайдом умыли. Зарплаты у конвертах нико уже не дiстає, та што там казати! Уже и на свальбы несуть без конвертiв-усьо прозоро! Контролюючi органы на перевiрках ни звiдавуть де зарплатна книга, де наказы, де дозвiльнi документы, а й звiдавуть ци уйшлисьте з кризы, ци треба чимысь помочи, ци ни сердитеся на них ош удорвали вас уд роботы. Корупцiї ниє, бо всi чиновникы примусово кажду нидiлю йдуть на службу в церкву и клянуться на Бiблiї ош того тыжня ни крали. Ко ни быв на службi, з понедiлка литить з посады. Полiцiя никого ни штрафує, бо из-за повагы до Президента нико ни нарушає правила. Медицина на высотi, у люди добрый iмунiтет уд правильного лiкування. На улици 80%люди з усмiхненым лицьом, другi 20% ни гонни ся смiяти, бо уйшли уд зубного та потерп їм рот. Так так, вам ся ни причуло, типир дорогу стоматологiю годен си позволити каждый україниць. Економiка росте, газ добывавуть свiй, свiт ся чудує як вiн так скоро усьо привiв у порядок. Лiдеры всьых держав ледвы чекавуть коли друга гостина, бо вни щи на такому нигда ни были. Рестораны из свiтовым имням и трьома Мiшленовськыми зiрками фурт звонять Мигальовiв жонi за рецептами закарпатського їдiня тай колачiв....Што? Мечтаєме дале?